HönnunarMars er stærsta kynningarafl hönnunar og arkitektúrs, innanlands sem erlendis, þar sem sjónum er beint að hönnun og því nýjasta sem er að gerast hverju sinni.

Þátttaka í hátíðinni tryggir umfjöllun og sýnileika verkefna sem hluti af öflugri kynningu HönnunarMars sem á sér stað í aðdraganda, á meðan og eftir hátíð fyrir fjölmiðla og almenning. 

Verkefni/sýningar þátttakenda í HönnunarMars verða hluti af fjölbreyttri dagskrá hátíðarinnar, fara inn í kynningarefni hátíðar sem er miðlað með fjölbreyttum hætti í samstarfi við innlenda og erlenda fjölmiðla og aðra samstarfsaðila hátíðarinnar. Þátttakendur hafa einnig möguleika á því að vera með í öðrum opinberum viðburðum sem hátíðin skipuleggur svo sem Design Diplomacy, DesignMatch osfrv.

Búið er að loka fyrir umsóknir á HönnunarMars 2024. Ef áhugi er fyrir þátttöku vinsamlegast sendið póst á dagskra@honnunarmars.is

Fagráð HönnunarMars fer yfir og metur allar umsóknir.

Þátttökugjöld 2024

• 30.000 kr  Félagsmenn Miðstöðvar hönnunar og arkitektúrs
• 60.000 kr. Aðrir

Stærri samsýningar, nemendasýningar og fyrirtæki vinsamlegast hafið samband á dagskra@honnunarmars.is varðandi þátttökugjald.

Sem þátttakandi verður verkefnið þitt hluti af HönnunarMars sem er öflugur kynningarvettvangur fyrir íslenska hönnun og arkitektúr. Þar á meðal er:

• Verkefnið verður hluti af  kynningarefni hátíðar sem er miðlað með fjölbreyttum hætti í samstarfi við innlenda og erlenda fjölmiðla og aðra samstarfsaðila.
• Kynning á samfélagsmiðlum HönnunarMars og Miðstöðvar hönnunar og arkitektúrs. 
• Umfjallanir á fréttaveitu á heimasíðu Miðstöðvar hönnunar og arkitektúrs. 
• Verkefni þátttakanda er miðlað á dagskrárvef HönnunarMars
• Þátttakandi fær rafrænan kynningarpakka hátíðar til afnota
• Merkingar HönnunarMars til að nýta á sýningarstað.
• Tækifæri til að sækja um þátttöku í öðrum viðburðum á vegum hátíðar. 

Í umsókn er gerð grein fyrir hugmynd, umgjörð, innihaldi og dagskrá á greinagóðan hátt. Auk þess þarf að koma fram hvert nýnæmi verkefnisins er og hvað gerir það áhugavert og faglegt. 

Umsókninni skal fylgja rökstuðningur fyrir því hvers vegna sýningin/viðburðurinn á heima á HönnunarMars.

• Hönnuðir, arkitektar, stúdíó og stofur.
• Fyrirtæki sem byggja starfsemi sína á hönnun eða arkitektúr.
• Fyrirtæki sem selja hönnun eða hannaðar vörur.
• Menningarstofnanir, söfn og sýningarsalir sem standa fyrir eða hýsa sýningar eða viðburði.
• Menntastofnanir á svið hönnunar og arkitektúrs.

Fagráð fer yfir umsóknir um þátttöku á HönnunarMars og velur sýningar og viðburði sem verða á dagskrá hátíðarinnar.

Leiðarljós fagráðs HönnunarMars er að móta fjölbreytta en skýra dagskrá sem byggir á faglegum, áhugaverðum og áhrifamiklum verkefnum sem höfða til ólíkra hópa.

Verkefnin eru flokkuð samkvæmt eftirfarandi áherslum:

• fagleg verkefni stýrð af listrænum stjórnanda og/eða í viðurkenndum sýningarsal.
• tilraunakennd og nýskapandi verkefni
• faglegar nýjungar og vörur
• opin hús eða vinnustofur
• málþing, erindi eða samtöl
• stakir viðburðir

Í fagráði situr stjórnandi HönnunarMars, fulltrúi stjórnar HönnunarMars, aðili skipaður af Listaháskóla Íslands og fulltrúi Reykjavíkurborgar.

Þegar samþykki liggur fyrir færðu sendan hlekk til að skrá inn allar upplýsingar um sýningu/viðburð. Mikilvægt er að yfirfara vel allan texta og huga vel að því að myndefni sé í birtingargæðum.

Texti og myndefni um sýninguna/viðburðinn mun birtast á dagskrársíðu HönnunarMars og verður notað við kynningu á hátíðinni.

Dagskrársíða HönnunarMars er fjölsótt enda er hún vettvangur gesta hátíðarinnar til að sækja sér upplýsingar um hvað er á döfinni.

Því fyrr sem upplýsingar eru komnar inn í kerfið því fyrr getur teymi HönnunarMars byrjað að kynna viðburðinn fyrir fjölmiðlum.

Sýnendur bera sjálfir ábyrgð á að finna sér sýningarstað fyrir sýningar og viðburði.

Teymi HönnunarMars er þó auðvitað boðið og búið að aðstoða sem frekast er kostur.

Aðildarfélög Miðstöðvar hönnunar og arkitektúrs standa sum fyrir samsýningum á hátíðinni.
Frekari upplýsingar veita verkefnastjórar og/eða formenn félaganna:

• Arkitektafélag Íslands – Sigríður Maack – sigridur@arktika.is
• Textílfélagið – Þorgerður Hlöðversdóttir – textilfelagid@gmail.com
• Félag húsgagna og innanhússarkitekta – Rósa Dögg Þorsteinsdóttir – rosa@ljosark.is
• Félag íslenskra landslagsarkitekta – Ómar Ingþórsson – omar.ingthorsson@efla.is
• Félag vöru- og iðnhönnuða – Þórunn Hannesdóttir – thorunn@faerid.com
• Félag íslenskra gullsmiða – Arna Arnarsdóttir – arnastjarna@hotmail.com
• Félag íslenskra teiknara – Gísli Arnarson – gisli@gislia.is
• Fatahönnunarfélag Íslands – Erla Björk Baldursdóttir– fatahonnunarfelag@honnunarmidstod.is
• Leirlistafélag Íslands – Daði Harðarson –  leirlistafelagislands@gmail.com